आर्टिस्टसंसार, काठमाडौँ। दस बर्ष अघि “नोट ” एल्बम निकालेर नेपाली संगीत क्षेत्रमा पर्दापर्ण गरेकी गायिका सीमा संग्रौलाले “उड्नु छ आज ” बोलको गीत सार्वजनिक गरेकी छिन्।
मेलोडी, फ्युजन गीतहरु गाउन मन पराउने उनले “उड्नु छ आज ” गीत बिशाल पाण्डेसंगको सहकार्यमा तयार भएको हो । ३ महिना अघिमात्र उनले बिशालसंग “माया आउन नजिक ” बोलको गीतको गीत तथा भिडियो सार्वजनिक गरेकी थिइन्।
लकडाउनको समयमा तयार भएको यस गितको भिडियो लकडाउन खुलेपछिको समयमा पर्यटकीयनगरी पोखरा र यस आसपासका क्षेत्रमा छायांकन गरिएको गायिका सिमा बताउछिन। यहि गीतमा भने झैँ उनि अब भने निरन्तर संगीतमा आफ्नो पाइला चाली रहने बताउंछिन्।
नोट एल्बमको ” के नै रुनु छ र ” बोलको गीतबाट त्यहीबर्ष ‘हिट्स एफएम म्युजिक अवार्ड’बाट सर्बोकृस्ट नवप्रतिभाको अवार्ड समेत हातपार्न सफल गायिका संग्रौलाको यस अघिका के नै रुनु छ र, संगै जितेर मेरो मन , यो बैंश भित्र के छ लगायतका गीतहरु लोकप्रिय छन् ।
-भिडियो-