आर्टिस्ट नेपाल
पाटन ढोकाको सडकछेउमा एक बेबारिसे बालक फेला पर्छ । आफ्नो दैनिक गुजरा चलाऊनको लागि प्लास्टिक टिप्दै हिंड्ने अर्को एक सडक बालकले उक्त नाबलक शिशुलाई देख्छ । र बेबारिसे अवस्थामा छाड्नु भन्दा मन्दिरमा पूजा गर्न, धर्म गर्न आउने धर्मात्माहरुले नाबलकलाई शरण दिनेछन् भन्ने सोचले उक्त नाबालकलाई कुनै मन्दिरको छेउमा राख्छ । तर कसैले उक्त अबोध बालक प्रति दया देखाउदैनन् । बरु माग्नेको भेषमा देख्दछन् र १ २ रुपैया दिन थाल्छन् । मानिस् बाल्यअवस्थामा मात्र निक्षल हुन्छ । कुनै लोभ या मोह हुन्न । यसैले मायाँ मोह र सहयोगी मानिस् बाल्यअवस्थामा गर्छन् । जब ठुलो हुँदै जान्छ् मानिस् । उसलाई लोभ लालच र स्वार्थले घेर्दछ ।
सडकमा दिन प्रतिदिन बढ्दै गरेका सडक बालक प्रति आधारित् रहेर निर्माण गरिएको म्युजिक भिडियो ‘बाटो’ले अहिले चौतर्फी चर्चा पाईरहेको छ ।आर्टिस्ट नेपाल नेटवर्क अन्तर्गतको आर्टिस्ट नेपाल प्रोडक्सनको ब्यानरमा निर्माण गरिएको यस् भिडियोको निर्देशन आर्टिस्ट नेपाल डट कमका निर्देशक तथा प्रधान सम्पादक नब ढुङेलले गरेका हुन् । जसमा सडक बालकको कथालाई अत्यन्तै मार्मिक ढंगबाट प्रस्तुत गरिएको छ ।
गीतकार शेखर ढुङेलले यस् गीतलाई ५ बर्ष अघीनै लेखेका हुन । र ५ बर्ष अगाडीनै सुशिल विश्वकर्माको संगीतमा सिशिर योगीले गाएका हुन् । यस् बर्ष नेपाल आउँदा उनले सडक बालक झन झन बढीरहेको देखे र यही गीतलाई सडक बालक प्रति समर्पित गर्दै भिडियो बनाउन निर्देशक नब ढुङेललाई आग्रह गरे ।
भिडियोलाई अमृत सुनुवारले खिचेका छन् भने टेकेन्द्र शाहले सम्पादन गरेका छन् । सिल्फ ईन्टरटेनमेन्ट को स्टुडियोमा पोस्ट प्रोडक्सन गरिएको यस् भिडियोमा सन्दर्भ न्युरे, सौर्या पन्डित, सन्तोष अधिकारी, सन्ध्या गिरी लगायतका कलाकर्मीहरुले अभिनय गरेका छन ।