चर्चित गायक राजेश पायल राई तथा गायिका जुनु गौतमको सुमुधुर आवाजमा रहेको “मिठो मिठो प्रित बस्यो” बोलको गीतको म्यूजिक भिडियोको छायांकन सम्पन्न भएको छ । येशु थापा (यशोदा थापा)को उत्कृष्ट रचनामा ,तयार भएको गीतलाई एमोस तामाङ्गले ऐरेन्ज गर्नुभएको छ भने अनिष श्रेष्ठले संगीत दिनुभएको छ । नृत्य निर्देशक संघ नेपाल को निर्माण तथा संघका उपाध्यक्ष तथा चर्चित निर्देशक प्रदिप श्रेष्ठले निर्देशन गर्नु भएको छ ।
सिन्धुलीको खुर्कोट लगायतका वरपरका मनोरम स्थानहरुमा छायांकन गरिएको भिडियोलाई शिव ढकालले छायांकन गर्नुभएको छ मेकअपमा सन्तु तामाङ्ग रहनु भएको थियो भने सम्पादन प्रविण श्रेष्ठको रहने र भिडियो अर्को साता सार्वजनिक गरिने जानकारी निर्देशक श्रेष्ठले दिनुभएको छ । निर्देशक श्रेष्ठले ६ दर्जन बढी को हाराहारीमा उत्कृष्ट भिडियो निर्देशन गरिसकेका छन भने ८० भन्दा बढी चलचित्रमा नृत्य निर्देशन गरिसकेका छन । भिडियोमा चर्चित नायिका अनु शाह तथा मोडल एवं कराते खेलाडी चन्द्र पुलामीको अभिनय रहेको छ । बहुप्रतिभाशाली मोडल पुलामी करातेका थर्ड डन प्राप्त खेलाडी तथा राष्ट्रियस्तरको रेफ्री हुनुहुन्छ । करीव २ दर्जन बढी स्वर्ण पदक विजेता पुलामी व्यबसायमा पनि उतिकै सक्रिय रहदै आउनुभएको छ । ४ वर्षदेखि मोडलिङ्ग क्षेत्रमा लागेर थुप्रै म्यूजिक भिडियोमा अभिनय गर्नुभएका मोडल पुलामी समाजसेवामा समेत उतिकै लागी पर्दै आउनुभएको छ ।