नायिका साम्राज्ञी राज्यलक्ष्मी शाहले लगालग २ चलचित्रको छायांकन सकाएकी छिन् । उनी अब नयाँ चलचित्र तत्काल गर्ने मुडमा छैनन् ।
उनले भदौ १३ गतेबाट रिलिज हुन लागेको चलचित्र ‘मारुनी’ र दशैमा रिलिज हुन लागेको चलचित्र ‘रातो टिका निधारमा’को छायांकन सकेकी हुन्।
तर, चलचित्रको छायांकन सकेसँगै उनको मस्ती मुड भने सुरु भएको छ । साम्राज्ञी इन्स्टाग्राममा र आफ्नो फेसबुक एकाउण्टमा आफ्ना तस्वीर पोष्ट गर्न माहिर छिन् । उनको सामाजिक संजालमा क्रेज गज्जबको छ । साम्राज्ञीले स्विमिङ पूलमा रमाउँदै गरेको तस्वीर र भिडियो पोष्ट गरेकी छिन् । पहेलो विकिनीमा उनी स्विमिङ पूलमा रमाएको देख्न सकिन्छ ।
साम्राज्ञीका लागि यो बर्ष रिलिज हुन लागेका २ चलचित्र नै महत्वपूर्ण छन् । उनी चलचित्र ‘मारुनी’को प्रचार अगाडि फ्रेस हुन चाहन्छिन् । यसैले पनि उनको यो विन्दास अवतार देखिएको हुनुपर्छ ।