मयुरी हाउसको प्रस्तुतीमा अन्तराष्ट्रिय स्तरको फेशन शो होटल मल्लमा आयोजना हुने भएको छ । नेपालका चर्चित फेशन डिजाईनरहरुले तयार पार्ने उत्कृष्ट डिजाईनमा तयार पारिएका पहिरनलाई राष्ट्र अन्तराष्ट्रिय क्षेत्रमा प्रवद्र्धन गर्ने उद्देश्यले नयां वर्षको अवसर पारेर मयुरी फेशन शो आयोजना हुन लागेको हो । मोडलहरुको छनौटका लागि आगामी शनीवार पूतलीसडकस्थित स्टार मलमा अडिसन हुने आयोजक मयूरी हाउसका संचालक कमल गौतमले बताए । करीव ३० जना उत्कृष्ट पुरुष तथा महिला मोडलहरुको छनौटका लागि लोकप्रिय सेलिब्रेटी, फेशन डिजाईनर तथा कोरियोग्राफरहरुको निर्णायक मण्डलको सहभागिता रहनेछ । भने आर्टिष्ट नेपालको फोटोग्राफी तथा काष्ठमण्डप टेलिभिजन र यस टेलिभिजनको दृश्य प्रसारण रहनेछ ।
छनौट भएका मोडलहरुलाई १ हप्ते निशुल्क रुपमा तालिम, फोटोग्राफी, ड्रेस,मिडिया प्रमोसन, विभिन्न गिफ्ट ह्याम्पर उपलव्ध गराईने आयोजक गौतमले बताए । मोडल तथा एभिन्यूज टेलिभिजनका भिजे ऐनी कुंवरको कोरियोग्राफी रहने उक्त शो मा नेपालका चर्चित लोकप्रिय कलाकारहरुले आफ्नो प्रस्तूती समेत दिनेछन । स्मरणीय रहोस मयूरी हाउसले नेपालका उत्कृष्ट पहिरन निर्माण गर्ने डिजाईनर तथा उत्कृष्ट डिजाईनका पहिरनलाई देश विदेशमा प्रचार प्रसार एवं प्रवद्र्धन गर्ने कार्य गर्दै आईरहेको संस्था हो ।
अडिसनका लागि ईच्छुक मोडलहरुले अडिसन हुने स्थान स्टार मलको तेश्रो तल्लामा रहेको स्टार भेन्यूमा शनिवार, माघ २७ गते १२ बजे उपस्थिती भई सहभागिता जनाउन सक्नेछन । थप जानकारीका लागि मोवाईल नं. ९८५१०३५८१५,९८०३२८६२५४,९८४१२४५७४५ तथा ९८४७५९३००९ मा सिधै सम्पर्क राख्न सक्नुहुनेछ ।