नेपाली संगीत क्षेत्रमा बहुआयामिक गायनका लागि परिचित गायक सुरेन गौतम र लोकप्रिय गायिका समिक्षा अधिकारीको स्वरमा सजिएको नयाँ गीत ‘आँटेपछि मर्दले’ सार्वजनिक भएको छ।
लोक तथा आधुनिक संगीतको सुन्दर संयोजन रहेको यस गीतले नेपाली मौलिक भावना, प्रेम र जीवनका अनुभूतिलाई समकालीन संगीत शैलीमार्फत प्रस्तुत गरेको छ। सुरेन गौतम र समिक्षा अधिकारीको सुमधुर तथा भावपूर्ण स्वरले गीतमा थप मिठास र गहिराइ प्रदान गरेको छ।
गीतका शब्द तुलसी बस्नेतले रचना गर्नुभएको हो भने संगीत स्वयं गायक सुरेन गौतमकै रहेको छ। दिनेश श्रेष्ठको संगीत संयोजनले गीतलाई थप आकर्षक बनाएको छ।
गीतको म्युजिक भिडियोमा प्रदीप लामा र जुना सुन्दासको जीवन्त अभिनय देख्न सकिन्छ। भिडियोको निर्देशन तथा कोरियोग्राफी सियोन श्रेष्ठले गर्नुभएको हो। अनिल के. मानन्धरको छायांकन रहेको भिडियो मनोज कार्कीले सम्पादन गर्नुभएको छ।
मौलिक नेपाली भावनालाई आधुनिक प्रस्तुतीकरणसँग जोड्ने प्रयास गरिएको ‘आँटेपछि मर्दले’ गीतले दर्शक तथा श्रोतामाझ राम्रो प्रतिक्रिया पाउने अपेक्षा गरिएको छ।